Гэртээ цагийг үр бүтээлтэй өнгөрүүлж болон ДӨРВӨН санаа

Коронавирусийн дэгдэлтээс үүдэн эрүүл мэндийн байгууллагууд иргэдийг аль болох гадуур явахаас зайлсхийж, өөрийгөө тусгаарлахыг зөвлөж байгаа билээ. Өөрийгөө тусгаарлах нь таны төсөөлж байгаа шиг уйтгартай байх албагүй . Харин ч эсрэгээрээ гэр бүлийнхэнтэйгээ илүү их цагийг өнгөрөөж, дуртай кино, контентоо үзэж, дэлхийн урлаг, түүх, шинжлэх ухааны ертөнцөөр аялж, шинэ хэл сурах боломжийг олгож байна гэж харж ч болох юм. Ингээд цагийг үр дүнтэй өнгөрөөхөд туслах аргуудыг танилцуулж байна.
(Зураг бүр дээр тайлбар байгаа)

1. Дэлхийн алдартай 500 музей, галлерайг буйдан дээрээ тухалж суугаад үзэх боломжтой
Google Arts & Culture ашиглан дэлхийн 500 гаруй музей, галлерайн үзмэрүүдийг нэг дор цахимаар үзэх боломжтой. Та яг л биеэр очсон мэт виртуал аялал хийж, оюуны цэнгэл эдлэх болно

Үүнд:

• -Лондон дахь Бритиш музей
• -Амстердам дахь Ван Гогийн музей
• -Нью Йорк дахь Гүггенхаймын музей зэрэг алдартай музейнууд багтжээ.
• ЭНД дарж сонирхоорой

2.Application ашиглан хэл сурах боломж

• -BABBEL: Энэхүү аппликейшныг ашиглахад маш хялбар бөгөөд Babbel-ийн гол давуу тал нь хамгийн чухал үгнүүдийг эхэлж санал болгодгоороо таны хэлний мэдлэгт үр дүн авчирна. Үг цээжлэх шинэ үг сурахад маш хэрэгтэй.-MEMRISE: Хүн бүхэнд өөрийн гэсэн сурах өвөрмөц арга барил бий. Харин энэхүү аппликейшн нь үгийг зургаар тайлбарлахаас гадна маш хөгжилтэй байдлаар заах тул нэг төрлийн тоглоом тоглонгоо хэл сурах боломжийг санал болгодог.-BUSUU: Тоглоом тоглох замаар өөрийн үгийн баялгийг дээшлүүлэх боломжтой бөгөөд Busuu нь танд өдөр тутам 10 минутын хичээл санал болгох бөгөөд идэвхтэй хичээлээ хийгээд байвал хэлний төвшинг тодорхойлсон сертификат олгодгоороо давуу талтай.

  -DUOLINGO: Тоглоом тоглонгоо хэл сурах бас нэгэн боломж. Утсан дээрээ татаж аваад хүссэн үедээ тоглонгоо хэл сурах боломжтой.

3. Application ашиглан сонирхолтой хоол туршиж үзэх

• -BigOven: 350,000 гаруй амтат хоолны жортой энэхүү аппликейшн нь гэрийн эзэгтэй нарт төгс тохирох юм. Та эндээс зөвхөн хоолны жор хайж олох бус амралтын өдрүүдэд хийх хоолоо сонгож, хадгалаад орхиж ч болно. Нэг ёсондоо аппликейшн дээрээ төлөвлөгөө гаргаж болдог төдийгүй үүгээр дамжуулан бусад хүмүүстэй холбогдож үзэл бодлоо солилцох боломжтой аж.-Food Network in the Kitchen: Энд таны үзэх дуртай бүх хоолны нэвтрүүлгийг нэгтгэн байршуулсан байдаг бөгөөд сар бүр нэг шинэ хоолны жор нэмэгддэгээрээ давуу талтай. Иймд та хэний ч мэдэхгүй цоо шинэхэн хоолоор гэр бүлийнхнээ дайлах боломжтой гэсэн үг билээ.-Yummly: Тус аппликейшнд зөвхөн хоолны жор байдаггүй бөгөөд аливаа хүнсийг ашиглаж хэрхэн амттай хоол хийх заавар ч мөн багтсан байдаг. Та гэртээ байгаа хүнсний бүтээгдэхүүнээ бичиж хайхад л хийж болох амтат хоол жортойгоо гараад ирэх юм.

4. Дэлхийн алдартай 500 гаруй баримтат киног үнэгүй үзэх боломжтой.

• Үүнд: Rafea: Solar Mama (2012), On the Way to School (2008), Who Will Be a Gurkha (2012), Runaway (2001) гэх мэт маш олон сонирхолтой бүтээлүүд (бүрэн хэмжээний болон богино) багтжээ.www.idfa.nl дарж баримтат кинонууд сонирхоорой.”Метрополитан театр”-ын алдартай дууриудыг буйдан дээрээсээ үнэгүй үзэх боломжтой

  АНУ-ын “Нью Йорк Метрополитан дуурийн театр” коронавирусийн нөхцөл байдлын улмаас гуравдугаар сарын 31-нийг хүртэл үйл ажиллагаагаа түр зогсоожээ. Тиймээс энэ хугацаанд үзэгчдэд тус театрт тоглогдож байсан дэлхийн шилдэг дууриудыг өөрийн www.metopera.org веб сайтаар дамжуулан хүргэхээр болжээ. Өдөр бүрт нэг дуурь шууд дамжуулагдах бөгөөд сайтад тавигдсанаас хойш 20 цагийн хугацаанд хадгалагдах тул та амжиж үзээрэй.